मुंबई: शाहरुख खानला मुंबई विमानतळावर कस्टम विभागाने रोखलं असल्याची माहिती समोर (Shah Rukh Khan And Team Were Stopped By The Customs Department At Mumbai Airport) आली आहे. AIU सूत्रांच्या माहितीनुसार शाहरुख शारजाहवरुन येत होता, त्यावेळी त्याला रोखण्यात आले. त्याच्याकडे काही महागड्या घड्याळांचे कव्हर होते, ज्यांची किंमत १८ लाख आहे. याकरता शाहरुखला ६.८३ लाखांची कस्टम ड्युटी भरावी लागली. कस्टम विभागाच्या चौकशी आणि कारवाईत शाहरुखने सहकार्य केल्याचे समोर आले आहे.
अभिनेता शाहरुख खान आणि त्याच्या टीमला मुंबई विमानतळावर शुक्रवारी रात्री कस्टम विभागाकडून रोखण्यात आले. जवळपास तासभर त्यांची चौकशी झाली. मीडिया रिपोर्ट्सनुसार त्यानंतर शाहरुख आणि त्याची मॅनेजर पूजा दादलानीला एअरपोर्टबाहेर जाताना स्पॉट करण्यात आले. लाखो रुपयांची घड्याळं भारतात आणणे, त्या महागड्या घड्याळांचे केवळ बॉक्सेस त्याच्याकडे सापडणे आणि कस्टम ड्युटी न भरण्यावरुन शाहरुखची चौकशी झाली.
समोर आलेल्या माहितीनुसार, शाहरुख दुबईवरुन त्याच्या खासगी चार्टड प्लेनने मुंबई विमानतळावर पोहोचला होता. त्यानंतर त्याला टी३ टर्मिनलवर रोखण्यात आले. सकाळी साधारण ५ वाजता त्याने दंड म्हणून ६.८३ लाखांची कस्टम ड्युटी भरली आणि त्यानंतर त्याला जाऊ दिले गेले.
