बिग बॉसमध्ये आता राडा होणार! अब्दू रोजिकला टक्कर देण्यासाठी येतोय हसबुल्ला, दोघांत ३६ चा आकडा

बिग बॉस १६ या शोमध्ये दररोज नवनवे ट्विस्ट पाहायला मिळत आहेत, त्यामुळे स्पर्धा वाढताना दिसतेय. एकीकडे बाकीचे स्पर्धक आपापसात भांडताना दिसत असले तरी दुसरीकडे अब्दू रोजिकचा क्यूटनेस चाहत्यांना भावतो. मात्र, आता येत्या काही दिवसांत चाहत्यांना अब्दूचा नवा अवतार पाहायला मिळणार आहे. कारण आता शोमध्ये अब्दूच्या कट्टर शत्रूची वर्णी लागणार आहे.

महत्वाच्या बाबी

१. घराघरात बिग बॉस आणि त्यातील स्पर्धकांचीच चर्चा
२. बिग बॉसमध्ये दिसणार अब्दू रोजिकचा नवा अवतार
३. अब्दू रोजिकला टक्कर देण्यासाठी येतोय हसबुल्ला
४. हसबुल्लाच्या एंट्रीच्या बातमीने चाहते खूप उत्सुक

सध्या घराघरांमध्ये बिग बॉस आणि त्यातील स्पर्धकांची जोरदार चर्चा सुरु आहे. बिग बॉसमध्ये सहभागी झालेल्या स्पर्धकांचा आधीच मोठा चाहता वर्ग असतो किंवा घरात आल्यावर त्या स्पर्धकाची जोरदार चर्चा सुरु होते. अब्दू रोजिक हे नाव देखील यातीलच एक आहे. अब्दू हा प्रसिद्ध गायक आहे. त्याचे सोशल मीडियावर लाखो चाहते आहेत. तो बिग बॉस १६ चा स्पर्धक झाल्यानंतर पुन्हा एकदा चर्चेत आला. दरम्यान, आता बिग बॉसच्या निर्मात्यांनी शोमध्ये अब्दूचा कट्टर शत्रू हसबुल्लाला बोलवण्याचा निर्णय घेतल्याचे वृत्त आहे. शोमध्ये हसबुल्लाच्या एंट्रीनंतर अब्दूचा पारा चढताना दिसू शकतो. डेगिस्तानमध्ये राहणारा हसबुल्ला मॅगोएमेदोव हा एक सोशल मीडिया इन्फ्लुएन्सर आहे. हसबुल्लाच्याही लोकप्रिय आहे. त्याच्या लोकप्रियतेचं कारण आहे त्याचं रुप आणि त्याचं व्यक्तीमत्त्व. तुम्हाला ऐकून आश्चर्य वाटेल पण हसबुल्ला हा १९ वर्षांचा आहे, मात्र प्रत्यक्षात तो ९ वर्षांचा दिसतो. त्याला पाहिल्यावर जणू एखादा लहान मुलगाच समोर बसला आहे, असं प्रत्यक्षात वाटतं. जोपर्यंत त्याच्याशी कुणी बातचित करत नाही, तोपर्यंत त्याच्या वयाचा कुणालाच अंदाज येत नाही. मात्र सोशल मीडियावर आपल्या रोखठोक आणि दादागिरीच्या भाषेत हसबुल्ला बोलू लागतो आणि सर्वांनाच आश्चर्य वाटतं. त्याला सोशल मीडियावर टिक टॉक व्हिडिओसाठी त्याला ओळखले जाते. हसबुल्लाला मिनी खबीब म्हणूनही ओळखले जाते. २०२१ मध्ये त्याने अब्दू रोजिकला लढण्याचे आव्हान दिले होते. ताजिकिस्तानच्या पांजाकांत जिल्ह्यातील गश्दरवा गावात अब्दू रोजिकचा जन्म झाला होता. त्याचंही वय १९ वर्षे आहे. हसबुल्लाने अब्दु रोजिकला लढण्याचे आव्हान दिले होते. मात्र, दरम्यानच्या काळात त्यांच्यात कधी भांडण झाले नाही. मात्र, आता या दोघांमध्ये अनेकदा शाब्दिक चकमक बघायला मिळाली. हसबुल्ला रोजिकचा कट्टर शत्रू आहे. त्यामुळे या दोघांना बिग बॉसच्या घरात पाहणे खूप रंजक असणार आहे. बॉलिवूड लाईफच्या वृत्तानुसार, हसबुल्ला लवकरच वाइल्ड कार्ड स्पर्धक म्हणून शोमध्ये प्रवेश करणार आहे. या बातमीनंतर बिग बॉसच्या चाहत्यांची उत्सुकता आणखीनच वाढली. लोकांना हसबुल्ला आणि रोजिक यांना लवकरात लवकर समोरासमोर पाहायचे आहे. हसबुल्लाच्या एंट्रीच्या बातमीने चाहते खूप उत्सुक आहेत. सोशल मीडियावर यूजर्स यावर प्रतिक्रिया देत आहेत, एका यूजरने लिहिलं की, आता येणार खरी मजा, अब्दूची खरा प्रतिस्पर्धी येतोय. आणखी एका यूजरने लिहिलं तकी, हसबुल्लाला इंग्रजीही येत नाही, तो कसा बोलणार.
दरम्यान, बिग बॉसमधील अब्दूची गोड आणि लाजाळू बाजू आजपर्यंत सर्वांनी पाहिली. मात्र, आता चाहत्यांनाही अब्दूचा आणखी एक अंदाज बघायला मिळेल.