डायबिटीज (Diabetes) अर्थात मधुमेह हा शब्द जरी ऐकला तरी लोकं घाबरून जातात. अर्थात त्याला कारणही तसंच आहे. डायबिटीज हा अत्यंत दुर्धर आजार समजला जातो. डायबिटीजचं निदान झाल्यानंतर तो नियंत्रणात ठेवण्यासाठी विशेष प्रयत्न संबंधित रुग्णाला करावे लागतात. सध्याच्या धावपळीच्या जीवनशैलीमुळे (Lifestyle) पोषक आहार, योग्य व्यायामाचा अभाव, वाढलेले ताण-तणाव आदी गोष्टी डायबिटीज होण्यास पूरक ठरतात. काही रुग्णांमध्ये डायबिटीज होण्यामागे अनुवंशिकता हे देखील कारण दिसून येते. जगभरात आज अब्जावधी लोक डायबिटीजग्रस्त आहेत.
दिवसेंदिवस ही संख्या वाढताना दिसून येत आहे. खरंतर प्रत्येक व्यक्तीला डायबिटीज हा आजार टाळता येऊ शकतो. मात्र त्यासाठी विशेष प्रयत्नांची गरज असते. आज १४ नोव्हेंबर. हा दिवस जगभरात जागतिक मधुमेह दिन म्हणून साजरा केला जातो.जागतिक मधुमेह दिनाचा उद्देश लोकांमध्ये मधुमेहाबद्दल जागरूकता पसरवणे आणि त्याच्या प्रतिबंधाच्या महत्त्वावर जोर देणे हा आहे. मधुमेहाने ग्रस्त असलेल्या व्यक्तीला किडनीचे आजार, हृदयविकाराचा झटका, पक्षाघात, अंधत्व आणि खालच्या अंगांचे नुकसान होण्याचा धोका वाढतो.जे निरोगी आहार, नियमित व्यायाम आणि नियमित तपासणी करून नियंत्रित केले जाऊ शकते.
माणसाला निरोगी ठेवण्यात फळांचा मोठा वाटा असतो. फळांमध्ये असलेले फायबर्स पचनशक्ती वाढवून व्यक्तीला अनेक आजारांपासून दूर ठेवण्यास मदत करतात. असे असूनही, मधुमेह असलेल्या व्यक्तीने स्वत:साठी फळे निवडताना काही विशेष खबरदारी घेणे आवश्यक आहे. चला जाणून घेऊया अशी कोणती फळे आहेत जी मधुमेहाच्या (Diabetes) रुग्णांनी (Patients) खाऊ नयेत.
टरबूज
टरबूज खाण्यास स्वादिष्ट तर लागतेच शिवाय शरीरातील पाण्याची कमतरताही पूर्ण करते. आरोग्यासाठी फायदेशीर असूनही मधुमेहींनी टरबूज खाणे टाळावे.हे रक्तातील साखरेची पातळी वाढवण्याचे काम करते. मधुमेहाच्या रुग्णांनी टरबूज खाण्यापूर्वी डॉक्टरांचा सल्ला जरूर घ्यावा.
अननस
अननस म्हणजेच अननसमध्ये साखरेचे प्रमाण जास्त असते.एक कप अननसाच्या रसात सुमारे १६ ग्रॅम साखर असते. अननसाच्या अतिसेवनाने रक्तातील ग्लुकोजचे प्रमाण वाढते.त्यामुळे मधुमेहाचा त्रास असलेल्यांनी ते खाणे टाळावे.
आंबा
आंबा खाणे मधुमेहाच्या रुग्णांसाठी हानिकारक ठरू शकते. १०० ग्रॅम आंब्यामध्ये सुमारे १४ ग्रॅम साखर असते. अशावेळी मधुमेहाच्या रुग्णांनी ते खाऊ नये. त्यामुळे रक्तातील साखर वाढू शकते.
केळी
मधुमेहाच्या रुग्णांसाठीही केळी हानिकारक ठरू शकते.यामध्ये साखर आणि कर्बोदकांचे प्रमाण जास्त असते, ज्यामुळे रक्तातील साखर वाढू शकते. म्हणूनच मधुमेहामध्ये केळीचे सेवन टाळा.
चिकू
मधुमेहाच्या रुग्णांनीही चिकू खाणे टाळावे. हे खायला खूप गोड आहे आणि त्याचा ग्लायसेमिक इंडेक्स देखील खूप जास्त आहे.
रक्त शर्करचे प्रमाण किती असावे?
मधुमेहामध्ये सतत वाढलेल्या साखरेच्या प्रमाणामुळे सगळ्या महत्त्वाच्या अवयवांवर परिणाम होऊन त्याचे विकार उद्भवतात. साधारणत: आठ ते दहा तास उपाशीपोटी राहून केली जाणारी शुगर टेस्ट म्हणजे ‘फास्टिंग ब्लड शुगर’. ती ब्लड शुगर शंभरपेक्षा कमी हवी. जेवणानंतर दोन तासांनी केलेली ब्लड शुगर १४०पेक्षा कमी हवी. यापेक्षा ब्लड शुगर जास्त असेल तर मधुमेहाची शक्यता जास्त असते.
