नीती आयोगामध्ये सरकारी नोकरसाठी इच्छुकांसाठ इच्छुक असलेल्या उमेदवारांसाठी महत्वाची अपडेट आहे. नीती आयोग, भारत सरकारने यंग प्रोफेशनल आणि सल्लागार पदांच्या भरतीसाठी जाहिरात प्रसिद्ध केली आहे. आयोगाने प्रसिद्ध केलेल्या जाहिरातीनुसार, यंग प्रोफेशनल्सच्या २२ पदे आणि सल्लागारांच्या ६ पदांसह एकूण २८ पदांची भरती केली जाणार आहे. कंत्राटी पद्धतीने ही भरती केली जाणार आहेत. कराराचा कालावधी सुरुवातीला दोन वर्षांसाठी असेल, जो पुढील तीन वर्षांसाठी प्रत्येकी एक वर्षाने वाढविला जाऊ शकतो. म्हणजे एकूण कालावधी ५ वर्षांपेक्षा जास्त नसावा.
कोण करू शकतो अर्ज?
NITI आयोगाच्या जाहिरातीनुसार, यंग प्रोफेशनल पदांसाठी अर्ज करण्यास इच्छुक उमेदवारांकडे विज्ञान / अर्थशास्त्र / सांख्यिकी / ऑपरेशन रिसर्च / सार्वजनिक धोरण / विकास अभ्यास / व्यवसाय प्रशासन / व्यवस्थापन मधील पदव्युत्तर पदवी किंवा समकक्ष पात्रता असणे आवश्यक आहे.
बीई/बीटेक/एमबीबीएस/एलएलबी/सीए/आयसीडबल्यूए किंवा बारावी नंतर इतर कोणतीही चार वर्षांची व्यावसायिक पात्रता असलेले उमेदवार देखील अर्ज करू शकतात. उमेदवारांचे वय जाहिरात जारी केल्याच्या तारखेनुसार ३२ वर्षांपेक्षा जास्त नसावे. वरील शैक्षणिक पात्रतेसह ३ ते ८ वर्षांचा कामाचा अनुभव असलेले तसेच ४५ वर्षांपेक्षा जास्त वय नसलेले उमेदवार या पदांसाठी अर्ज करु शकतात.
