औरंगाबाद : औरंगाबाद शहर पुन्हा एकदा हत्येच्या घटनेमुळे हादरले असून, एकाच वेळी रस्त्यावरील दोन भिकाऱ्यांची हत्या करण्यात आली आहे. एकाच्या डोक्यात दगड घालून तर दुसऱ्याचा गळा आवळून हत्या करण्यात आली आहे. रविवारी रात्रीच्या सुमारास ही घटना घडली असल्याचा अंदाज आहे. औरंगाबादच्या घाटी रुग्णालयाच्या बाजूला दोन्ही हत्येच्या घटना घडल्याचे समोर आले आहे. तर घटनास्थळी पोलीस दाखल झाले आहेत.
गेल्या काही दिवसांपासून औरंगाबाद शहरातील हत्येच्या घटना वाढल्याचे पाहायला मिळत आहे. दिवाळीत एकामागून एख असे तीन हत्येच्या घटना समोर आल्या होत्या. त्यातच आता पुन्हा एकदा एकाचवेळी दोघांची हत्या करण्यात आल्याने एकच खळबळ उडाली आहे. हत्या करण्यात आलेले दोन्ही व्यक्ती रस्त्यावर भिक मागून आपला उदरनिर्वाह करत असल्याची प्राथमिक माहिती समोर येत आहे. मध्यरात्री हे हत्या झाल्याची पोलिसांनी प्राथमिक माहिती दिली आहे. तर घटनास्थळी पोलीस पथक दाखल झाले असून, पुढील तपास करण्यात येत आहे.
औरंगाबाद शहराच्या घाटी परिसरात झालेल्या हत्येची घटना घडल्याने मोठी खळबळ उडाली आहे. तर घटनेची माहिती मिळताच औरंगाबाद शहर पोलीस दलातील वरिष्ठ अधिकाऱ्यांनी घटनास्थळी धाव घेत पाहणी केली आहे. तर गुन्हे शाखेचे वरिष्ठ अधिकाऱ्यांनी देखील घटनास्थळाची पाहणी केली असून, पुढील तपास करण्यात येत आहे.